ہاتھ پاوں کو گورا کریں بہت ہی آسان طریقے سے %100 رزلٹ کے ساتھ
خوبصورت نظر آنے کے لئے میک اپ کرنا لازمی ہوگیا ہے لیکن اگر آپ کا رنگ پہلے سے ہی نکھرا اور جلد بے داغ ہوگی تو آپ کو کسی میک اپ کی ضرورت نہیں ہوگی۔ اس آرٹیکل میں “ہماری ویب” کے پڑھنے والوں کے لیے ایسا ابٹن بتایا جارہا ہے جس کے بعد خواتین کو کسی مصنوعی سہارے کی ضرورت نہیں پڑے گی۔
آدھا کپ بیسن لیں۔ دو کھانے کے چمچ ہلدی، آدھا کپ ٹماٹر کا رس اور دو لیموں کا رس نکال لیں۔ ان تمام چیزوں کو پلاسٹک یا شیشے کے ڈبے میں ڈال کر فریج میں رکھ دیں۔
صبح اٹھ کر بنائے ہوئے ابٹن سے ایک چمچ ابٹن نکال کر چہرے اور ہاتھوں پر لگائیں اور سوکھ جانے پر ٹھنڈے پانی سے دھو لیں۔ رات کو سونے سے پہلے بھی اسی طریقے سے چہرہ اور ہاتھ صاف کریں۔
ٹماٹر جلد میں کولاجن یعنی وہ عنصر بڑھاتا ہے جس سے جلد زیادہ عرصے تک جوان رہتی ہے اس کے علاوہ دھوپ کے اثرات دور کرتا ہے، مردہ خلیات صاف کرتا ہے اور جلد کو ٹھنڈک بخشتا ہے۔ لیموں بلیچنگ ایجنٹ کی طرح رنگت کا گورا کرنے کی صلاحیت رکھتا ہے۔
اس کے علاوہ اس میں اینٹی بیکٹیریل اجزاء ہوتے ہیں جو دانے اور چہرے کی فالتو چکنائی کو ختم کرتے ہیں۔ ہلدی اور بیسن بھی رنگ کو گورا بنانے میں کافی تیزی سے کام کرتے ہیں یہی وجہ ہے کہ ابٹن میں صدیوں سے ان چیزوں کا استعمال ہوتا آرہا ہے۔
